ఒక గాఢమైన మెలకువకోసం
ఎన్నెన్ని నిద్రరాని రాత్రులను
నిండా నిమజ్జనంచేసి నిర్ణిద్రాగానపు
జోలపాటలతో మాయబుచ్చవలసి వచ్చిందో--


ఒక విజయంకోసం ఎన్నాళ్ళుగానో
తపస్సమాధిలో మునిగి
దీక్షాకంకణధారులైన
వీరాధి వీరులుకన్న  కలలను
కాలవహ్నిలో కడదాకా దహింపజేసి
భస్మీపటలం చేయవలసి వచ్చిందో---

ఒక అనృతం కురవ వలసిన రాత్రికోసం
ఎన్నెన్ని చేదువిషాలను విషయమగ్నం చేసి
వివరణలను విభిన్నంగా పగటి
 బండరాళ్ళక్రింద దాచవలసి వచ్చిందో--
=====================================