తక్షణ కర్తవ్యం
---------------------రావెల
=================================

మళ్ళీ ఒక భగీరధుడి
కాళ్ళో గడ్డాలోపట్టుకు బ్రతిమాలాలి
చేసిన మహపరాధానికి గట్టిగా
చెంపలేసుకుని క్షమించమని అడగాలి
నరికి పడేసిన చెట్లన్నింటికీ
అపరాధ మహిమ్న స్తోత్రాలను పఠించి
మన్నించమని బ్రతిమాలాలి--
చేట్లు నాటడంతోనే పనయిందనే
భావనను పూర్తిగా విడనాడాలి..
వాటికి సరయిన వేళల్లో నీటిని పోసి
ఆదరణగా అదుకుంటూ చూసుకోవాలి..
రుతువులన్నింటినీ మన ప్రార్ధనలతో
ముంచెత్తి వాటిని మురిపించగలగాలి...
క్రమం తప్పకుండా అవి నేలకు దిగి రావాలని
కన్నీటి జలధారలకు కొంతకాలమయినా
విశ్రాంతిని చేకూర్చమని వినతి పత్రం సమర్పించాలి..


మనస్ఫూర్తిగా కోరుకుని జీవనం సాగించాలి...

హృదయం మనసూ మరోసారి కలుషితమైపోకుండా
కంటికి రెప్పలా ప్రకృతిని కాపాడుకోవాలని
ప్రగాఢంగా తీర్మానించుకోవాలి...28-4-16
==============================================