ప్రధమ సందర్శనలో
నీవు నా మాతృకకు
మరో రూపమని తలచాను..

మొదటిసారి నీ
 గొంతుక విన్నప్పుడు
అది అమృతకలశంలోనుండి
జారిపడే అనురాగ
 ధారలని ఉపమించాను.

మొదటిసారిగా నువ్వు
నన్ను స్పృశించినప్పుడు
వీణ తీగలను మీటుతున్న
స్పృహను యదార్ధంగా అనుభవించాను..

ఇప్పుడిలా నన్ను ఏకాకినిచేసి
నీవు తరలి వెళ్ళిపోతే
మ్రోడువారిన తరువులా కృశించాను..

మరో వసంతానికి బాటలు వేయని
ఆలోచనలను చేయంగల  వల్మీకంలో
నిద్రాణమై నిశ్వాసలను వెలువరిస్తున్నాను..
====================================