మోడువారిన చెట్లపై
పక్షులెలా వాల్తాయి
ఒక వేళ వాలినా
అక్కడ ఏం బావుకుంటాయి..?

కోరికలుడిగిన దేహంలో
కారికలవి దరి చేరునా?
మబ్బుల్లేని ఆకాశం నుండి
వడగాలులు వీచునా?
వాసనలేని పూలకు
మనసు పరిమళించునా?



వానకు తెలుసు ఎప్పుడు పడితే
పంటపొలాలు హర్షిస్తాయో!!
వసంత యామినికి తెలియదా?
ఎప్పుడు భువిపై కేగుతెంచాలో!!
ఎండుబారిన గడ్డినంతా పచ్చని బయలుగా
తీర్చిదిద్దే ఘనత ఆమనికే స్వంతంగదా?


పూల చెట్లకు ప్రాణంపోసి
సురభిళాలనద్దండంకూడా
దాని ప్రత్యేకతలోని భాగమేగదా?
హృదయగతానందానికి
వసంతంతప్ప వేరు ఋతువుకు వీలవుతుందా?
=========================================