అవును నీవన్నది నిజమే
మనిద్దరం మరొక్కసారి
ఏకాంతంగా మాట్లాడుకుందాం
అపార్ధాలను,అపోహలను చర్చలతో
సామరస్య ధోరణిలో పరిష్కరించుకుందాం!
చెరువుమీద అలగడం వలన మనమే
అపరిశుభ్రతకు తావిచ్చిన వాళ్ళమవుతాం..
వీచే గాలి ఎల్లవేళలా మనసుకు
ఆనందం కలిగించాలని నిబంధనలేం వుండవుకదా?
మనస్పర్ధలు మనమధ్యన మనమేర్పచుకున్నవేగదా?
అంతరంగాల్లో ఆశ్రయం పొందిన అహం,అసూయలను
ఆవేశకావేషాలకులోనయి చేసుకున్న వ్యర్ధమైన
ఆరోపణలనన్నింటినీ ముఖాముఖి చర్చలతో
అవకశమున్నామేరకు పటాపంచ్చలు చేసుకుందాం..

కాలంపరుగును లంకించుకుని మనకు అందనంత దూరంగా
దిగంతాలదరికి జరిగిపోయేలోపు మనలో మనమే ఆమోదయోగ్యమైన
పరిష్కారాన్ని ప్రతిపాదించుకుని సమన్వయంతో సాగిపోదాం..

ఒకమెట్టో రెండుమెట్లో దిగడానికి ఇద్దరం మానసికంగా
ముందస్తుగా సిద్ధమయి మునిపంటిని నొక్కకుండా సామరస్య ధోరణిలో
ముందుకు సాగుదాం..మనచేతుల్లోలేని దేమీలేదని ముందుతరాలవారికి
ముఖ్యమైన సూచనలను చేసేలా ప్రవర్తనను సరిదిద్దుకుందాం..
================================================