నల్లటి దేవతావస్త్రాలలో నన్ను మాయచేద్దామని
మారు వేషంలో తయారయి వచ్చావా?
మృత్యువా నీ శీతల కౌగిలో నన్ను
దాచేయాలన్న ప్రయత్నమా ఇది!!

నీవంటే భయపడడం పూర్తిగా మానేసాను..
వేదాంతుల సుభాషితాలు విన్నాను
మహాత్ముల ప్రవచనాలను చెవిలోకి చొప్పించాను..


వాళ్ళు సగటుమనిషికన్నా ఎత్తయిన వాళ్ళా?
లేదా మరుగుజ్జు స్వరూపులా అన్న ప్రశ్నకు ఆస్కారం లేదు..

వాళ్ళు చెప్పిన వాటిలో వాస్తవికతే నన్ను వశపరుచుకుంది..

బోధి వృక్షం క్రింద జ్ఞానోదయమైన  క్షణాలు గుర్తుకొస్తున్నాయ్.
ప్రపంచ సర్వమత సమ్మేళనంలో వివేకానందుని బోధలు జ్ఞప్తికొస్తున్నాయ్..
ఇంక నాకు నీవంటే వెరపు ఉంటుందనుక్జుంటున్నావా?
మృత్యువా నీవు వెనుదిరిగి వెళ్ళడమేమేలని నా భావన
----------ఒక కవితను చదివిన నేపధ్యంతో]