పూలబుట్టతో ఈ నందనవనంలోకి
ప్రవేశించినప్పుడల్లాఇక్కడనీతో
చేయి చేయికలిపి తిరిగిన క్షణాలే
మధురాతి మధురంగా మనసులోకి
నాట్యంచేస్తూ ప్రవేశిస్తాయి..
మల్లెలు నీలానే నవ్వులొలకబోస్తూ
మనసారా మాటాడుతున్నాయా అనిపిస్తుంది..

మందారాలు అప్పుడప్పుడూ నువ్వు ప్రదర్శించే
చిరుకోపాన్నే గుర్తుకు తెచ్చి గొడవచేస్తుంటాయి..


గులాబీలు మాత్రం గుచ్చుకుంటాం సుమా జాగ్రత్త
అన్నట్లుగా దూరం దూరంగా జరిగేలా ప్రవర్తిస్తాయి..



పొన్నపూలు ప్రభాత సమయానికి రాలిపడినా
ఎంతగా పరిమళాను వెదజల్లుతాయో నీకెరుకేగదా!
పారిజాతాలు పరిమళభరితమై నన్ను అలరిస్తుంటాయి..
ఇక మరువం దవనం మొక్కలనంటుకోగానే హృదయగతమైన
ఆనందంక్షణాల్లోఆవిష్కృతమౌతుంది..