అశ్రువులన్నింటినీ
అక్షరబద్ధంచేద్దాం.
విషాదాన్ని విశ్వగీతంగా
మార్పుచేందేలా శ్రమిద్దాం.
మీ గుండే గొంతుకలో
నినాదాలుగా వ్రేలాడుతున్న
ఒక్కొక్కటినీ శోకగీతంగా
మరలుద్దాం,తరలిరండి

కులానికి కుచ్చుల పరికిణీలు
ఎంపికచేయడం కాదు ఈక్షణాల్లో,
మతానికి మేకప్ చేసి చూడడం చాలు!!
గుండెకు తగులున్న గునపాలను తొలగించండి.
దయార్ద్రహృదయంతోనో--దాష్టీకం
పురుడు పోసుకుంటుందనో
డబ్బులు వెదజల్లడం కాదు
ఇప్పుడు కావలసింది-------
మమిషిని మనిషిగా గుర్తించి
గౌరవించే మనసులు కావాలిప్పుడు.
అందుకోసం ఆక్రోశాన్నికాదు
ఆవేశాన్నీ కాదు కాదు
ఆంతర్యాన్ని ఆవిష్కరించగలిగితే చాలు
అది అక్షరాలా పదివేలు పదిలక్షలు
పదికోట్లుగా --ప్రవర్ధమానమౌతుంది.
=========================