నిశ్శబ్దవనం
----------------------రావెల
్్్్్్్్్్్్్్్్్్్్్్్్్్్్్్్్్్్్

ఏ దృశ్యాన్ని ఎప్పటికీ చూడకూడదనుకున్నానో
ఆ దృశ్యమే ఇవ్వాళనా కంటికి ఎదురొచ్చి నిలబడింది..
ఒక వైపు ప్రాణికోటికి ఊపిరూలూదుతూ తలల తాటించే తరూ సమూహం..
మరో వైపు జీవన్మరణసమస్యలో ఉస్సురుస్సురంటున్న పేదరికం
వీటన్నిటినీ కలగలుపుతూ ఒకేగాటన కట్టేసి కాలం తీరేసరికి
తనఒడిలోకి శాశ్వతంగాలాక్కుని నిశ్శబ్దంగా నిద్రపుచ్చుతున్న
స్మశానస్థలం..అక్కడే చివరకు శాశ్వతంగా స్థిరపడిపోక తప్పని
 మూగజీవులైన వారి నిశ్శబ్దపు నిట్టూర్పులు..

ఎంతగా బ్రతికినన్నాళ్ళూ భ్రమలలోకంలో విహరిస్తూ ముందు ఏడు తరాలకు సరిపోయే విధంగా సంపాదించడంకోసం క్రిందా మీదాపడుతూ , తపనపడుతున్న పెద్దరికం..
ఎదిగి ఎగిరెగిరిగిపోయామని నింగినుంచి నేలకు నిచ్చెనలతో ఎగ బ్రాకినా
శాశ్వతంగా నాలుగడుగులలోతులో ఏడడుగులా బారున వొదిగిపోక తప్పదని
తెలిసికోలేకపోతున్న అవివేకం అజ్ఞానం..   24-5-16

===========================================