యుద్ధం ముగిసిపోయిందంటే
అంతరంగ మధనం మొదలవాలిగదా!!
చర్చకు ముగింపు పలకాలంటే
మనసుల మధ్యన నిర్మితం కాగదగిన
వంతెన పూర్తిచేయబడాలిగదా!!

శాంతి ప్రబోధం చెవులలోకి ఇంకిపోవాలంటే
అశాంతియేర్పడిన నేపధ్యం పైన
ఒక అవగాహన యేర్పడివుండి వుండాలికదా!!

కవితకు ప్రచారార్హత పొందాలనుకుంటే
అక్షరాలు సమాజహితం వైపు
అడుగులు పడ్తున్న దాఖలాలుండాలికదా!!


సుహృద్భావ వాతావరణం ఏర్పడాలంటే
కక్షలూ,కార్పణ్యాలకూ కాలం చెల్లిపోయి
మనసు మందిరాలలో సురభిళ పరిమళాలు
వెదజల్లబడాలన్న ఊసునెమరేయాలికదా!!

======================================