ప్రణయినీ!!
---------------
సహనంతో నాతో సహవాసంచెయ్
అస్తవ్యస్తంగా అల్లుకుపోతున్న
జీవితాన్ని క్రమబద్ధీకరించి
 కమ్మని
రుతువులా మార్చుకుందాం!
 ఈ నీరవ నిస్తబ్ధమైన
కాలగమనంలో ఇలా
అస్తవ్యస్తంగా వీస్తున్న గాలిని
అభిశంసించక తప్పడంలేదు సుమా!!
నీకోసం ఒక మనోహర గీతాన్ని
ఆలపించాలని కుతూహలంగా వుంది..

బంగారాన్ని పోలిన పాత
 సినిమా పాటను పాడనా?
శబ్దఘోషతో హోరెత్తిస్తూ
భావోద్రేకాలకు గురిచేసే
ఆధునిక చిత్రసీమలో గగుర్పాటు కలిగించే
మణిప్రవాళగీతం పాడనా?

============================