చేదుపాట
-------------------రావెల

నేను పోగొట్టుకున్న బాల్యం
నాతో ఎకసక్కేలాడుతుంది
ప్రశ్నల పరంపరతో నన్ను
ఉక్కిరి బిక్కిరి చేసి
ఊపిరాడకుండాచేస్తున్నది..

ఒంగుదూకుళ్ళాటలో ఎందుకంతగా
భయపడుతుండే వాడివి?
ఖోఖో ఆటలో ఎప్పుడూ
ప్రతిముఖంగా పరుగెట్టి
 చీవాట్లు తినే వాడివి?
అష్టాచెమ్మా ఆడుదామంటే
అది ఆడపిల్లల ఆటంటూ నిరశించేవాడివి!!
ఎక్కాలప్పజెప్పడంలో
 ప్రధముడిగానిలిచినావుగదానువ్వే!!
శతకాలలోని పద్యాలు వల్లించడంలో
శరవేగంతో దూసుకుపోయే వాడివి?
ఇప్పుడాబాల్యమంతా ఎందుకిలా
బోర్లాపడి కాలికి చెక్కులు
తగిలించుకుంటున్నది..

పోటీ ప్రపంచంలో పూర్తిగా నిమగ్నమై
బాల్యపు రుచులన్నింటినీ , ఆటస్థలాల వూసేలేని
అపార్ట్ మెంట్ గదుల్లో అలసి సొలసి కూలబడుతున్నది?

=========================================