పునరుజ్జీవనం
---------------------రావెల

మానవత్వానికి
ఊపిరాడడంలేదని తెలిసి
అత్యవసరంగా ఆసుపత్రికి తరలించారు..
కొన వూపిరితో కొట్టుమిట్టాడుతున్నది..
కంగారంతా చుట్టూ చేరిన బంధువుల్లో
పొంగిపొరలి ధునిలా ప్రవహిస్తున్నది..

 ప్రాణవాయువునందించే
 స్థంభాన్ని వెంట వెంటనే తరలించారు..

శ్వాస గవాక్షా న్ని[ventilator] అమర్చడంలో సిబ్బంది నిమగ్నమయారు..


ఆకుపచ్చని దిరుసుల్లో వైద్యబృందం విచ్చేసింది..
అమ్మయ్య!!!  ఈ పచ్చదనాన్ని చూసాక తనకు ప్రాణం తిరిగిలేచొచ్చింది..
కానీ ఖర్చులేకుండనే వైద్యంపూర్తయింది...రోగం నయమయింది ..
అందరు బంధువులూ పచ్చదనానికి జయజయ ధ్వానాలు పలికారు..
మానవత్వానికి జీవలక్షణాన్ని ప్రసాదించే తరుణోపాయం
హరిత వర్ణంలోనే కలకాలం జీవిస్తూ వుంటుందని గుణపాఠమయింది...
 దీక్షగా చుట్టాలంతా చెట్లును నాటడం కర్తవ్యంగ స్వీకరించారు..